Bluse für e Jodlerklub Frick

 

Das isch es bsunders Erläbnis gsi für me. Die schöne Bluse dörfe z sticke!

Im Oktober 2009 het alles si Afang gno.

D Cäcilia Duss, das isch d Trachte-Schnydere vom Kanton Solothurn het e Afrog vom Jodlerklub Frick übercho, öb si ihne äch e nöii Bluse chönnt mache. D Cäcilia isch de zu mer cho und het gfrogt, was i do derzue meini. Chöi mer äch das schaffe, i eim Johr 25 Bluse!

Mer hei lang überleit öb mer äch das wei woge. S Ursi vom Jodlerklub Frick het öis de der Muet gäh zuezsäge. Im Novämber hei mer nämlech es Muschter zeigt und hei de Uftrag übercho. I ha de afe 1 Bluse gstickt und Cäcilia het se fertig gnäiht. De isch es de ersch rächt losgange. Mängisch hani gmeint, i schaffi das ned. Jetz isch das Johr verby und mer heis gschafft!

Lueget nume, wie schön die Manne usgseh!

Do isch e chline Wärdegang vo däne schöne Bluse!

Und am 1. Mai isch äbe Trachteweih gsi in Frick! I chas gar ned beschriebe das Gfüehl, wo die Manne i ihrne Bluse ufträtte si. I fröie me scho uf Interlake, si alli wieder dörfe s gseh!

 

Der Wärdegang vo däne Bluse!

Die si no im Rohbau!

 

Am 12. April hei mer se dörfe übergäh. Für me ganz e bsundere Momänt. Aber ou für d Cäcilia Duss, si het die Bluse fertig gnäiht. Ou do isch e grossi Arbeit derhinder gsi. Mer beidi si scho chli stolz druf! Lueget nume, wie die Manne guet us gseh!

Met eme Klick zur Diashow!

 

Und jetz chunnt äbe no dä 1. Mai!

Die Gfüehl chani gar ned beschriebe, eifach toll!

Danke vielmol!

 

 

 

 

 

 

 

 

 

 

 

 

 

Öppis für Gwundernase!