Erwin Wyss

Niedergösge

Är isch scho fasch es Urgeschtein be öis.

Scho johrelang tuet är Theatere. Es isch gloub e richtegi Liideschaft be ihm. Das merkt me de ou immer be de Rolle. Und de isch är de ou nie zur Rueh us z’bringe!

Theres Meier

  Niedergösge

  I gloube, i muess mi nümm nöcher vorschtelle!

I cha öich nume säge, es gfallt mer eifach mega – das Theaterschpiele! I chönnt mers ned vorschtelle, ohni zsy!

Bruno Kneubühl

  Lostorf

  Scho etlichi Johr dörfe mer uf e Bruno zelle. Mit sim Humor und sim Chönne het är scho mängs Theater bericheret! Är isch ou e begnadete Theaterschrieber. So isch es doch ned verwunderlech, dass är die Rolle so richtig läbt wo är schpielt!

Jacqueline Thommen

Rupperswil

  Si isch immer met viel Liideschaft derby, cha leider ned immer schpiele. Aber si ghört haut eifach zu öis!

Dani Hunziker

  Kirchleerau

  De Dani ghört ou zu öis und mer fröie öis, dass är wieder einisch Zyt het zum schpiele. Was mer scho glachet hei met ihm.

*******************************

Das si jetz die langjährige Theaterlüt – i rede do vo zwüsche 10 und 40 Johr!

Jetz chöme es paar nöieri Schpieler derzue, erfröilecher Wys us de Reihe vom Jodlerklub „Echo“!

********************************

Daniela Amport

Gretzebach

Daniela het nach em Itritt

i Jodlerklub grad afo theatere.

Das liegt ihre im Bluet!

So wies usgseht, het de Virus

Daniela ou verwütscht!

Toll!!! 

Rea Meister

Erlinsbach

Öises Küken im Klub het ne ou -

dä Virus!

Was für nes Glück.

I meine für Öis!

Es Naturtalänt! 

Markus Gerber

Niedergösge

Toll, mer hei de Markus ned nume

als Theaterspieler, sondern ou no als

Sänger be öis dörfe willkomme heisse!

Uf dr Bühni get är alles!

Mach wiiter so!

Benj Meier

Niedergösge

Öises nöischte und ou grad no s jüngschte

Metglied esch grad met allem be öis

ufgnoh worde.

Das heisst, ned nume bem Singe, nei

ou grad zum Theatere.

Benj, Du machsch das tip top!

Mer wünsche öis, dass Du lang

be öis besch!

Und natürlech Dis Talänt

voll und ganz chasch entfalte!

Ursula Näf

Niedergösge

Ou s Ursi het zu öis Spieler

gfunde. Es passt usgezeichnet

i öisi Gruppe!

Und äbe, de Virus!!!

Lukas Meier

Niedergösge

Schliesslech bruche mer ou weder

jungi Manne! De Lukas isch eifach

es Naturtalänt. Mer hoffe schwär

dass är dä Virus ou verwütscht!

Jo äbe, dä cheibe Virus – me bringt ne eifach nümme los! Aber mer wei jo das gar ned. Öis gfallts doch immer bsunders guet.

zurück